A Aprendizaxe Vivencial é aprender por medio do facer. É un proceso a través do cal os individuos constrúen o seu propio coñecemento, adquiren habilidades e realzan os seus valores, directamente desde a experiencia.
Hoxe desfrutamos dunha escenografía vivenciada, pensado para experimentar, manipular, imaxinar... e sobre todo, divertirse!
Con motivo do día do libro, dende a biblioteca do centro, organizouse un concurso literario. Nós presentámonos na categoría de poesía e gañamos o premio a mellor poema de Educación Infantil!!
Mar, a responsable da biblioteca, e Eladia, a Directora, viñeron darnos a noticia xunto cun diploma e un agasallo para a clase.
Para conmemorar este día, fixemos unha marcapáxinas para levar para a casa.
Volvimos a utilizar a técnica de pintar con canicas e pintura fluorescente. Despois, cada un puxo Día do libro 2021.
Cada día, un de nós, é o encargado de alimentar e coidar aos nosos vermes de seda. Ademais, temos unhas follas de rexistro para anotar en que fase se atopan.
Esta semana foi o aniversario da nosa compañeira Antía e tocoulle ser a protagonista da semana.
O luns ensinounos fotografías da súa familia e de como era de pequena.
Hoxe chegaron a clase uns novos compañeiros/as, que teremos que coidar con moito coidado: uns vermes de seda!
Algúns aínda non saíron do ovo!
Hoxe saímos ao patio para ver como funciona o aparello dixestivo.
Primeiro, desmenuzamos un anaco de pan, como se as nosas mans fosen os dentes. Ese pan ía parar ao estómago (bolsa zip).
